كفتة الحاتي
كيلو لحم مفروم ناعم
ملعقه ليه خروف او دهون اللحم
بصل متوسطه مبشورة او ف الكبه
طمطمايه مبشورة
ملعقه صغيرة بهارات لحمه
ملعقه صغيرة فلفل اسود
ملعقه صغيرة كبابه صيني ناعمه
رشة كربوناتو
ملعقة صغيرة ملح
ملعقه صغيرة حبهان مطحون
ورق بقدونس مفروم ناعم
الطريقه:
ابشرى البصله وعليها الطماطم وحطيهم ف مصفاه وصفى المايه بتاعتهم هنخليهم على جنب
ناخد التفل بتاع البصل والطماطم اللي عملاناهم دول ونحطهم ع اللحمه ونحط كل المكونات ونعجن فيها لحد م اللحمه تعمل انسجه .. وممكن بدل العجن حطيها ف الكبه دقيقتين
وبعدين حطيها ف الثلاجه ربع ساعه تتشمع
طلعيها بقي وهاتي مايه البصل اللى عملناها دى وحطى عليها فلفل اسود وملح وشويه عسل اسود او سكر متخافيش مش هيبان طعمهم هما عشان يديكي لون حلو
هاتي بقى سيخ او اى حاجه مدورة تصبعي عليها اللحمه بلي ايديك ف المايه بتاعة البصل وصبعي الكفته .. حطيها ع شبكه وتحتها صينيه .. او حطيها ف الصينيه على طول مفيش مشكله .. وتسيبيها تستوى وتاخدى بالك منها عشان بتحمر بسرعه ... اول م تطلع حطيها ف حله وتكوني ولعتى فحم حطى الفحم ف النص وحطى معلقه سمنه واقفلي عليهم متفتحيش عليهم الا لما الدخان يختفي خاالص
قدميها مع سلطه خضراء وسلطه طحينه ومخلل .. او مكرونه محمره او مكرونه بالصلصه 😊
وبألف هنا ❤❤
تعليقات
إرسال تعليق